O fundador do PSOE é de PODEMOS

Dous homes co mesmo nome, mesma ideoloxía... en tempos diferentes.

1850 y 1978 viron nacer a dous homes que non só comparten nome, senón principios.

Dous partidos distintos, dúas épocas distintas... pero dúas Españas coas mesmas necesidades políticas.

Pablo Iglesias Turrión é un nome moi soado no panorama político actual. É o nº 1 de PODEMOS, partido de esquerda español fundado en xaneiro de 2014, hai nada. A pesar da súa curta vida, acadou resultados electorais históricos, sendo o 4º partido máis votado nas últimas eleccións europeas e 3ª forza política nas últimas eleccións xerais españolas.

Moi criticado pola dereita pola súa apariencia informal e por criticar, sen pelos na lingua, o abusivo estado de corrupción na que se atopa España. 

Pois ben, non é o único Pablo Iglesias que algunha vez estivo en desacordo co goberno establecido. De feito, a nai do nº1 de PODEMOS, non lle púxo ese nome ao nacer por casualidade, senón en honor ao Pablo Iglesias do que falaremos a continuación. 

Pablo Iglesias Posse, o seu tocaio, foi o fundador do PSOE (Partido Socialista Obreiro Español), pero foi, sobretodo, un rebelde.

Naceu no ano 1850, en Ferrol, e dende cativo non tivo unha vida doada. Foi coa morte do seu pai, cando él contaba con só 3 aniños, cando marchou, coa súa nai Juana e o seu irmán Manuel que aínda era un bebé, para Madrid... andando.
Instaláronse para vivir nun faiado, xa que o familiar que os ía acoller, falecera. Pablo foi internado no ''Real Hospicio del Ave María y San Fernando'', onde aprendeu a ler e escribir por colaborar como tipógrafo. Pouco tempo despois comezou a colaborar no xornal La Iberia.
Durante o Sexenio Revolucionario (1868-1874) converteuse nun autodiacta, e ahí empezou a darlle forma ós seus pensamentos.
Acadou o posto de presidente da ''Asociación General del Arte de Imprimir'', onde formula en clandestinidade un novo partido obreiro-socialista, que o 2 de maio de 1879 sería por fin o PSOE.

Non debemos esquecer que o PSOE que se fundou en 1897 tiña un espírito moito máis reivindicativo, de esquerdas, do pobo, das loitas contra as inxustizas que de dan nos que non teñen as carteiras a reventar de cartos... máis humano que agora.
Hoxe, en 2016, estamos fartos de escoitar na morea de casos de corrupción no que anda metido o PSOE (entre outros moitos partidos políticos). 
Pensades que Pablo Iglesias Posse fundou este partido con este fin?